DESAHUCIO

Milleiros de familias arrastradas das súas casas;
des-abastecidas,
des-abrigadas,
des-pedidas,
des-ocupadas,
des-asistidas,
des-concertadas.
Milleiros de vidas;
des-tragadas,
des-asosegadas,
des-alentadas,
des-corazonadas,
des-acreditadas,
des-airadas.
Milleiros de bagoas polos
des-afectos,
des-crídos,
des-acertos,
des-axustes,
des-amprensivos,
des-almados.
As des-grazas acumúlanse nas portas,
a xustiza des-cansa en palabras de pedra.
Des-arraigados non serán ninguén á intemperie
só un des-afío na noite.
Fóra sigue o berro da esperanza
e os versos inútiles nos muros.